افضل طريقة لعمل لحمة الراس

المقادير

انهاردة هقدملكم طريقة عمل لحمة الراس الشهية كتير من الاشخاص اساسى عندهم الاكلة دة فياريت تجربوها وهتعجبكوا جدا المقادير: راس ضانى او كيلو لحمة راس عجالى 2 بصلة متوسطة نص كيلو طماطم حمراء 1 حبة فلفل اخضر اما حراق او بارد حسب الرغبة معلقة كزبرة نشفة ص راس ثوم مقطع وزيت معلقة سمن او قطعة زبدة التحضيرعمل لحمة راس طريقة طبخ لحمة الراس نسلق لحمة الراس وننشلها من الشوربة وبعدين نقطع البصل جوانح او مربعات ونشوحة فى الزيت مع الكزبرة ونضع الثوم لما تظهر رحتة وبعدين نحط الفلفل برضو لحد متظهر رحتة وبعدين الطماطم المضروبة فى الخلاط مع شوية ملح وفلفل لحد ما نظبط الحياق وتغلى غلوتين مش كتير ونزودها كوب ماء ونسبها تغلى غلوة وحدة على النار واول متغلى نحط لحمة الراس المسلوقة ونسبهم يغلو 10 دقائق , وبعدين نحط السمن او قطعة الزبدوبعدين ننزلها فى الفرن واول متحمر نطلعها ونقدمها مع حاجة خضرة وياسلام لو كان عيش شمسى والف لهنا

خطوات التحضير