احلى تورتة أرز بالسى فود

المقادير

شملولتى العزيزة عملالك انهاردة تورتة بس مش حلوة تورتة حادقة (تورتة ارز بالسى فود ) طعمها جميل اوى ويعتبر من الاطباق المميزة جدا على سفرتك جربيها والهنا :) المكونات 2بصل مفروم 3فص ثوم مفروم 2طماطم مكعبات 2فلفل اخضر مكعبات 1م ك صلصة طماطم شريحتين من السمك الفيليه نصف كيلو من السبيط او الكلمارى المقطع بالطول او مكعبات ارز بسمتى مسلوق 2 كوب هوت صوص 2 ملعقة كبيرة ملح – فلفل اسود- كارى - كركم – كزبرة ناشفة طريقة التحضير : فى طاسة نحط شوية زيت ثم نضع البصل لحد مايذبل نحط الثوم ونقلب ثم السبيط ثم مكعبات الطماطم والفلفل الاخضر ونقلب ونحط التوابل والصلصة نزود شوية ماية لما يبدأ السبيط يدخل فى السوا وتتسبك الصلصة نحط السمك ويكون مقلى بره لوحده ونخليه شوية فى الصوص على النار علشان كله يبقى طعم واحد نبدا نجهز لأخر خطوة بعد مانكون سلقنا الارز نجيب صينية او طاجن اللى عندك ونبدا نرص طبقات من الارز وخلطة السى فود اللى عملناها ويكون الارز سخن والسمك سخن علشان لما ندخل الصينية الفرن حنغطيها بالفويل وماتخدش وقت طويل علشان ماتنشفش تدخل فرن لمده تلت ساعة وتقلب وتقدم

خطوات التحضير