وقت التحضير
0 دقيقة
وقت الطهي
0 دقيقة
عدد الافراد
0
هعملكم انهاردا البيتزا بالفراخ سهله جداا وسريعه
المقادير
- نص كيلو دقيق ( 3 كوبايات دقيق تقريبا )
- معلقة صغيرة زعتر مطحون
- نص معلقة صغيرة ملح
- معلقة صغيرة سكر
- معلقتين صغيرين خميرة بيرا
- بهارات بيتزا ايطاليه
- معلقة صغيرة توم مطحون وبصل مطحون
- كوباية ماية دافية
- 4 معالق كبيرة زيت
- عدد 2 طماطم
- 3 معالق كاتشب
- 3 فصوص توم
- ملح وفلفل اسمر وشويا كزبرة ناشفة صغيرين مع شويا خل صغيرين خالص )
خطوات التحضير
- هتحطي الدقيق فى طبق كبير غويط شوية
- وترشى نص معلقة الملح على الدقيق كله
- وتحطى الزعتر بردو ترشيه زى الملح
- وبعدين تكونى مجهزة الماية وحاطه فيها معلقة السكر ومعلقتين الخميرة وتقلبيهم وتسبيهم ع جنب
- وبعدين احفرى الدقيق ككدة ع اساس تعملى حفرة ف النص وتحطى فيها الاربع معالق الزيت وبعدين كوباية الماية اللى فيها السكر والخميرة
- وبعدين تقلبى العجيبنه ويكون جنبك
- كوباية مايه باردة او دافية نوعا ما مش مشكلة
- وتقلبى العجينة وكل شويا تبلى ايديك عشان العجينة متلزقش ف ايديك. حطيها ف كيس وتسبيها تخمر لمدة ساعة
- هتجيبى طاسة وتحطى التوم لحد مايلونه يتغير شويا وبعدين تحطى الطماطم والكاتشب والبهارات والخل وتسبيهم لحد ماتتسبك
- والفراخ متبله صدور الدجاج من ساعتين ف التلاجة
- وتقطعيهم قطع صغيرة وتشوحيهم وتحطى نص كوبايه مايه ونص مرقه دجاج لحد ماتستوى وجبت جبنة شيدر عشان احشى طرف البيتزا وجبنة موزاريلا
- نفرد العجينة واخر طرف نحط الجبنة الشيدر ونلفها وندهن الصوص
- وبعدين نحط الزينة اللى عملنها (طماطم زيتون فلفل حسب رغباتك اللى تحبيه تحطيه ) والفراخ والجبنه الموزاريلا
إضافة تعليق