اولا هاتى الممبار حطى عليه خل وملح وسيبيه 10 دقايق وبعدين امسكى سكينه واسلخيه من المخاط بالسكينه واشطفيه كذا مرة وبعدين وارمى عليه شوية ملح وخل وروحى اعملى الخلطة بتاعته
هاتى بصلة وملح وتوابل وطماطم مقطعه ومعلقتين صلصه وزيت وعلى الكيلو ممبار كيلو الا ربع ارز ... وخضرة مشكلة
كله مقطع قطع صغيرة وقلبيهم على بعض وضيفى الرز واحشى الممبار بعد ما تقلبيه وتشطفيه تانى وتقطعيه قطع مناسبة وعلى حسب رغبتك
اسلقيه فى مية مبهرة بالتوابل واللورا والحبهان وبعد نص ساعه او على حسب مدة التسوية وطلعى حمريه وبالراحة على ايدك ولو بتخافى من التحمير غطى بغطا بعد ما تحطى فى الزيت السخن وبالف هنا
الفشة اغسليها كويس اوى وانقعيها فى ملح ومية وخل وبعد ربع ساعه اشطفيها كويس اوى واسلقيها فى مية مبهرة بردوا وبصلة وطلعيها قطعيها وحمريها وبالف هنا
إضافة تعليق