- متجمديش الخضار أكثر من 6 شهور علشان يفضل محتفظ بطعمه وفايدته. - الفواكه يمكن تجميدها 12 شهرا.. والموالح من 4 لـ6 شهور. - اغسلى الفاكهة قبل تجميدها علشان ميبقاش لونها متغير لما تتجمد. - شيلى الدهون والعظام من اللحوم لتخليصها من السوائل علشان تكون طازة. - اللحوم المقطعة شرايح ممكن تتخزن فى الفريزر 14 يوم. - اللحمة المطبوخة ممكن تتخزن 60 يوم - اللحمة المفرومة ممكن تتخزن 3 شهور - اللحمة المقطعة قطع كبيرة ممكن تتخزن سنة - بلاش تجمدى المرق والصوص اللى استخدمتى فيه النشا أو دقيق علشان المكونات دى بتنفصل لما يتجمد - كمان بلاش تجمدى الفاكهة والخضار إللى فيه نسبة مياه كثيرة زى الخس والبطيخ والبطاطس المطبوخة والمكرونات لأنها هتكون متشبعة ماء لما تطلعيها من الفريزر. - بلاش تجمدى منتجات الألبان زى الزبادى واللبن لأنها بتفصل لما تتجمد. - بلاش نهائى تشترى طعام مجمد لو فضل خارج الفريزر أو اتفك واتجمد تانى علشان صحة اسرتك.
إضافة تعليق