- السفن طلع بيتخن بالظبط زي البيبسي. - لا مينفعش تاكلي تشيز برجر حتي لو دي الوجبة الوحيدة في اليوم. - مفيش كورسيه بيخسس 5 كيلو في اللبسة ده هيبقي شغل تلزيق وهيحبس دمك . - رجيم المياه ده مش مياه بس ده بيبقي فيه اكل في النص . - الفري طلع وجبة.. مش يوم كامل. - لازم تبتدي تطوري علاقتك بالميزان من اطار "كل اما اقول له اه يقولي هو لا" لاطار "انت عارف ليه بحبك ليه..." . - ابعدي عن اثنين امك وجوزك... عشان امك هتشوفك حلوة حتي وانتي تخينة فتنبسطي فتفضلي تخينة اما جوزك لو خسيتي... برضه هيشوفك وحشة عشان هو دني والطبع غلاب.. بقول لك ايه... انتي اطلقي. - دكتور الرجيم مش هو اللي بيخسس.. اصله مش قرص شيتوكال ده بني ادم بودان زيينا يعني . - متستنيش مرات ابن عم خالة مامتك تقول لك خسيتي دي نازلة باوبشنين بس تقول لك مليتي قوي و مش هنفرح بيكي بقي. - في علم الحساب معلقة الزيت = معلقة... مش بلاص زيت . - مش بعد كل مرة تدخلي الحمام تطلعي توزني.. مش بكدة يا حبيبتي مكنش حد غلب . - مش عشان اسمها سلطة طحينة تبقي مع الرجيم... بلاش سلبطة اعدادي دي .
إضافة تعليق