- عشان الشوربة بتاعتك تبقى خرافة اعملي الحركة دي وادعيلي بجد، بعد ماللحمة او الفراخ تستوي تاخدي البصلة اللى في الشوربة وتهرسيها بشوكة في طاسة على النار مع معلقة سمنة بلدي ورشة ملح وفلفل اسود وحمريها شوية وانزلي عليها بالشوربة، وادعووولي عالريحة الي هتيملى البيت والطعم.
- اي لحمه او فراخ تسلقيها بلاش تشليها عالطول من الشوربة بتاعتها خليها نص ساعه بدون نار في الشوربه علشان اللحمه تبقى طعمها حلو، بس خلى بالك متكونيش مسويه اللحمه او الفراخ قوى يعنى مهريه لان لوسبتيها فى الشوربه كتير هتتهرى اكتر.
- حطى الخلطة دى مع الشوربه داايما والخلطة دى بجد بتغير طعم الشوربة وبتكون احلى، (ورقتين لورا+فلفل اسود +مستكة+حبهان+ ورشه صغيرة كبابه صينى مطحونة او حبيتين ،وتفرغيهم فى برطمان وتضيفى على اى شوربه بتعمليها بيديها طعم وريحه خراافة.
- وانتوا بتسلقوا الفراخ او اللحمة تقطعوا عروق الكرفس بتشيل الزفارة وبتدي ريحة وطعم رائع للشوربة.
- عايزة تاكلى احلى فراخ بدون زفاره اغسلى الفرخه كويس جدا وانقعيها فى ميه وملح وخل وبعدين ادعكيها بالدقيق وشطفيها بالميه، واهم تكه خليها تتصفى كويس جدا من الميه وبعدين تتبليها بالملح والفلفل الاسود وتقطعى نص بصلة ونص حبه طماطم فى قلب الفرخة وتقفلى الفرخه وتسبيها ربع ساعة، وبعدين شويه زيت اوسمنه وحبهان ومستكه ونزلى الفرخه تتشوح وبعدين ضيفى حبه البصل وحبه الطماطم وجزرة وقلبيهم وعليهم البهارات وبعدين الميه، بس اوعى تزودى الميه يدوب تغطى الفرخة علشان تستمتعى بشوربتها.
- شوربه اللسان العصفور، هى حاجة بسيطه خالص تعمليها بس الشكل والطعم بيكون مختلف، حمرى لسان العصفور مع فصين حبهان، وماتغطيش الحله بعد ما تعملى الشوربه أو نصف تغطيه عشان ما ينفش لسان العصفور وينشف الشوربة.
إضافة تعليق