طريقة عمل مربى القرع العسلي

ازيكوا يا شملولاتي الحلوين القرع العسلي ده من الفاكهة الحلوة جدا بس مش عارفة ليه بحس انه مش واخد حقه مع انه جميل ومفيد جدا علشان كدا جبتلكم طريقة عمل مبرى القرع العسلي .. يارب تعجبكم المقادير : كيلو قرع عسلي عصير لمونة 3 عود قرفة كيلو سكر معلقة صغيرة بشر قشر ليمون ماية الطريقة : نقشر القرع، ونقطعه مكعبات، ونحطه في حلة بس نخلي بالنا نعمله زي طبقات هو والسكر، ونحط عليه الماية، وعصير الليمون، وعود القرفة، وبشر الليمون، ونخليه على نار متوسطة لحد ما يغلي بعدين نهدي النار خالص، ونسيبه لحد ما يبدا يبقى سميك شوية، ونقلب كل شوية علشان ما يتحرقش. نشيل عيدان القرفة ، ونعبيه في برطمانات نظيف وناشفة، ويتشال في التلاجة ، وبالهنا والشفا.