طريقة عمل كرات الجبنة المقرمشة

شملولاتي الحلوين ازيكم انا في وصفة قريتها على الموقع هنا وجربتها بس مش قادرة اقولكم طلعت تحفة وعجبتهم في البيت جدا فقولت ما ينفعش مش اقولكوا عليها يلا ورقة وقلم واكتبو معايا المقادير: 2 مثلث جبنة نستو 2 مكعب جبنة كيري 1 شريحة جبنة فلامنك 1 شرية جبنة شيدر 2 شريحة جبنة رومي 3 معالق جبنة موزاريلا بيضة بقسماط زيت للقلي الطريقة: نحط كل الجبنات على بعض في الكبة، ونفرمهم كويس قوي. نحط الجبنات في بولة ونحط عليهم البيضة، ونقلبهم كويس قوي لحد ما يتجانسوا مع بعض. نشكل الجبنة كرات صغيرة، وندحرجها في البقسماط من كل النواحي. نحطها في الفريزر نص ساعة على الاقل. نحط زيت غزير في الطاسة ويكون على نار عالية. نقلي الجبنة في الزيت، ونقلبها لحد ما تحمر كلها بس نكون حريصين واحنا بنقلب علشان ما تتفتحش في الزيت. نطلعها على ورق مطبخ علشان الزيت. نرصها في الطبق، ولازم تتاكل وهي سخنة علشان الجبنة تكون سايحة وتذوووووووووووب في الفم. وصحة وهنا عليكم :*