خلطة جبارة لتنظيف حمامك

هقولكم النهاردة يا شماليلي على الخلطه الجبارة للتلميع وحمامك هيرجع جديد لتنظيف الاحواض و البانيو و التواليت المكونات سهلة ومتاحة فى كل مكان واحسن حاجة فيها ان مفيهاش مواد مضرة ولا تخنق ولا غيره هتجيبى نص كوبايه كربونات الصوديوم او كربوناته من العطار و 3 معالق بلسم اكسجين من الصيدليه رخيص جدا واسمه احيانا بروكسيد الاوكسجين و معلقه صابون سايل ومعلقتين ميه هنخلط كله على بعض وبيكون خليط تقيل نوعا ما مش خفيف ونحطه فى ازازه يكون ليها بوز زى ازازيز الكاتشب والمايونيز هنرج الازازه عشان مايترسبش ولا يلزق فيها هتلفى بالخليط فى قاعده التواليت ويكون متغطى بالكامل بالخليط بتاعنا ونقفل الغطا ونتركه نص ساعه ونغسله بعدها بسلك ناعم و خل وندعكه حلو هتلاقى سحر التواليت رجع جديد ولا اصفرار ولا صدأا ولا اى حاجه بعد ما نشطب الحمام نحط شويه من الخلطه السحرية وعليهم نص كوبايه خل هتعمل فوران جامد تكونى مجهزه كوبايه كبيره ميه مغليه تحطيها عليهم وتسبيها تسلك الحوض وتنظف المواسير وبرده بتنضفى بيها خلااطات الماية والدش حلوة جدا