الملابس الشتوية يبيقى حجمها كبير فطبعا هنيجى هنخزنها بتاخد مكان كبير فالنهاردة جيبالكم افكار بسيطة هتساعدكم فى تخزينها بسهولة أولاً: تحضير الملابس 1. إزالة أي نوع من البقع أو أي رائحة سواء كانت برفيوم أو بودرة أو مزيل عرق بالغسيل. ويفضل دايماً غسل الملابس قبل تخزينها ولو غسلة سريعة. 2. في حالة كي الملابس الشتوية لازم تتطبق تترك قبل التخزين على الأقل ساعتين، خاصة إذا كانت الكي بالبخار علشان الرطوبة في الهدوم تجف، ومايكونش فيه ريحة كمكمة. أما في حالة عدم الكي فتتخزن علطول. 3. إوعي تخزني ملابس جاية من التنظيف laundry في كيس التنطيف. شيلي الكيس من عليها، وخليها تتهوى شوية وبعدين خزنيها. إذا كان لازم تحطيها في كيس استخدمي كيساً آخر. (اقرأي أيضًا: ترتيب الملابس وطبها بطريقة منظمة وعملية) ثانياً: أنواع التخزين 1. أفضل نوع لتخزين الملابس هي الأكياس القماش (المخلة)؛ لأن فيها مسامّ تسمح بتنفس الملابس. على فكرة هي موجودة في الأزهر أو ممكن تشتري قماش دمور (أو الخيش) وأي خياط بسيط يعملها في نصف ساعة أو أقل. 2. في حالة استخدام الأكياس البلاستك حاولي تخرميها خروم صغيرة كتيرة في كل حتة. ولما تقفليه من فوق استعملي شريطة أو أستك علشان تدي فرصة الهواء يدخل والملابس تتنفس. 3. الصناديق الخشبية طبيعتها متفتحة المسام وجافة فميش مشكلة، بس لازم تكون ناعمة من الداخل، وممكن نبطنها بورق المطبخ من القاع علشان نمنع أي تلف أو وبر في البلوفرات. 4. الصناديق البلاستكية لازم تتبطن بورق المطبخ علشان تمنع الرطوبة من الملابس وعدم الكمكمة. 5. وطبعاً يمكن استخدام شنط السفر للتخزين، ولكن يجب تنظيفها وتهويتها جيداً قبل الاستعمال. طرق التخزين: 1. بعد ما تأكدنا من نظافة وتطبيق الملابس نبتدي نضع الملابس الثقيلة الأول، بحيث لما نيجي نفتح تاني نلاقي الملابس الخفيفة في الأول وهكذا. 2. نحاول نقسم الملابس حسب الأقسام (بنطلونات – بلوفرات... إلخ) أو حسب أفراد العائلة (ملابس الأم - الأب - الابن - الابنة) أو النوع (حريمي – رجالي) أو كيفما يناسبك. والأفضل نلصق الاسم على الشنطة. 3. في كل كيس سواء قماش أو بلاستيك أو صندوق أو شنطة نضع حافظ للملابس اللي مكوناتها مكتوبة فوق (وهو عبارة عن شاشة بها أوراق لافندر + قطع كافور)، ونلفها في هذه الشاشة مرتين نربطها إما بشريطة أو أستك ونحطها في فتحة الكيس، بحيث لما نيجي نقفله تبقى الشاشة دي نازلة في النص حتى لو وقعت مش مشكلة. كده حافظنا على الهدوم من الداخل من أي عتة؛ لأن ده نفس أثر النفتالين بس رائحة أفضل كثيراً، وبمجرد ما تطلع لا يوجد لها أي أثر. لو في شنطة أو أي حاجة حنعمل نفس الشاشة ونحطها في النص. 4. الحاجات اللي زي بعضها توضع مع بعضها (جوانتيات - شرابات - إلخ) ونضع معها أيضاً كيس شاش بنفس المكونات لحفظهم. 5. في حالة تخزين ملابس أطفال حديثي الولادة والرضع نتبع نفس طرق تنظيف الملابس، بس عند التخزين نضع ورق (المطبخ التواليت) بين كل قطعة لأن بهم مواد منعمة فتزيد نسبة الرطوبة في الملابس. وحنعمل نفس الشاشة ونحطها في النص. أماكن التخزين: 1. يجب أن تكون بعيدة عن أي ماء أو أي حائط ناشع وغير رطب. 2. في أي مكان يتم التخزين فيه ننثر أوراق اللافندر ونفتت كافوراً في الأركان وأماكن مختلفة. ممكن برده تجيبي قطعة من المسك وتبشريها وتضعيها في مكان التخزين، بحيث دايماً يطلع ريحة حلوة. أو يمكن استعمال قشر برتقال مجفف في مكان التخزين.
إضافة تعليق