اسهل طريقة لتخزين البطاطس بالفريزر

اسهل طريقة لتخزين البطاطس بالفريزر هقولك على طريقة سهلة وبسيطة اوى لتخزين البطاطس بالفريزر طبعا احنا واولادنا بنعشق حاجة اسمها بطاطس وطبعا هى بتتباع فى المحلات بثمن غالى فمن النهاردة تقدرى تخزينيها فى البيت بكل سهولة ووفرى فلوسك جربيها :) 1. قشرى البطاطس وقطعيها صوابع أو مربعات او حتى شرائح تقطيع البطاطس 2. ضعى على النار حلة بها ماء واتركيها تغلى 3. بعد الغليان اضيفى ربع كوب خل للماء 4. ضعى البطاطس اثناء غليان الماء + الخل 5. بعد حوالى 5 دقائق ستبدأ الماء بالغليان مرة اخرى وبداخلها البطاطس 6. صفى البطاطس واغسليها بالماء البارد لوقف طهيها (مثل المكرونة) تبريد البطاطس 7. اتركيها لتبرد ثم ضعيها داخل اكياس واحتفظى بها فى الفريزر تجميد البطاطس 8. فبل قليها يفضل غسلها بالماء الساخن لنزيل الثلج عنها وتصفى جيدا ثم تقلى فى الزيت او طبخها بالطريقة المفضلة ملحوظة: – لاتتركى البطاطس بالماء المغلى اكثر من المدة المطلوبة . – عند اخراجها من الفريزر لا تحتاج لوقت قبل القلى ( فقط اخرجيها من الفريزر ثم اشطفيها وصفيها وبعدين اقليها).