اول مشكلة للملوخيه انها بتسقط حلها المعروف انك ما تغليهاش كتير و ما تغطيهاش اول ما تخلص .. زودي علي النصيحتين دول نصيحتي ليكي عن تجربه جربي البيكربونات ( البيكنج صودا ) ضيفي نص معلقه صغيره او تلات تربع معلقه شاي لكل نص كيلو ملوخيه فرمتيها و قلبيها فيها قبل ما تنزليها الشوربه الملوخيه طعمها مش بيتغير بس قوامها بيكون مظبوط لان البيكنج صودا ماده رافعه اساسا البيكنج صودا لو ما تعرفيهوش هو الكربوناتو ( غير البيكنج بودر ده حاجه مختلفه ) حتلاقيها عند اي سوبر ماركت و متوفره جدا ده شكله بيكون بودره بيضا زي الرمله الناعمه تاني نصيحه لو بتسود منك ضيفي قطرات بسيطه من عصيرالليمون لكل نص كيلو ملوخيه .. بتضيفي القطرات علي الشوربه قبل ما تنزلي الملوخيه و حتلاقي احلي لون ملوخيه ان شاء الله عندك
إضافة تعليق