ازيكم ياشملولات انا جيبلكم طريقه سهله ولذيذه لعمل كمبووت الخوخ في البيت
نجيب خوخ طازج ويكون جامد مش طرى ونغسلة كويس وبعدين
اولا نقشر الخوخ فى طريقتين ممكن تقشيرة عادى بالسكينة او تغلى مية وتشيليها من على النار وتحطى الخوخ فيها خمس دقايق وبعدين فى ماء بارد مباشرة هتلاقوا القشرة بتطلع بسهولة جداا
وبعدين نقطع الخوخ الى فصوص زى البرتقال
ثم الى مكعبات حسب الرغبة
نكون مجهزين حلة على النار فيها ماء بيغلى مع اضافة السكر مفيش مقادير هنا حسب التذوق وتقريبا كمية الماء تكون كافية لتغطية الخوخ والسكر تحلية حسب الرغبة اول ما تغلى نضيف الخوخ
واول ما يغلى هنلاحظ انة بيكون ريم او وش نشيلة بالمعلقة وبمجرد الانتهاء من نزع الريم نضيف الفانيليا ونطفى النار على طول يعنى بس 5 دقائق بعد ما الماء يغلى نصبى فى علبة او طبق عميق ونتركة يبرد وبعدين ندخلة التلاجة
يقدم فى اطباق فردية كنوع من الاطباق الباردة وبالهنا
إضافة تعليق