اسهل طريقة للفول بطعم الكباب

المقادير

• 2 كوباية فول مدمس
• 2 معلقة كبيرة سمن
• ملح
• كمون مطحون
• بقدونس مفروم
• فحم

خطوات التحضير

1. نحط الفول المدمس في طاسة على نار هادية لحد ما يسخن.
2. نحط الفحمة على النار لحد ما تبقى زي الجمر.
3. نتبل الفول بالملح والكمون، ونحطله السمن، ونقلبه كويس.
4. نجيب فويل او طبق الومنيوم صغير ونحط فيه الفحمة ونحط الطبق في وسط الفول.
5. نصب معلقة سمن سايح على الفحمةوهي مولعة، ونغطيه بسرعة.
6. نسيبه متغطي خمس دقايق لحد ما ياخذ ريحة الشوي.
7. نشيل الفحم من الفول، وممكن نصب السمن بتاعها على الفول ونقلب كويس.
8. نحطه في الطبق وعلى الوش البقدونس، وبصحة وهنا.