تعالى بقى هقولك على ازاى تنضفى الريسبشن والصالون بكل سهولة وبخطوات بسيطة جدا عشان تنتعشى بمنظر بيتك وبجماله طريقة التنظيف 1- اقفلى كل الغرف قبل تنضيف الصالة عشان ماتتربش وتتبهدل 2- افتحى الشبابيك عشان الشمس تدخل فى كل مكان والصالة تتهوى 3- زعفى السقف ونضفى التراب 4- شيلى شلت الأنتريه وطلعيها تتنفض وتتشمس فى البلكونة 5- نفضى الأنتريه كويس من التراب وبأسفنجة مبللة بالماء والمعطر اغسليه بيه وا وتغفتحى قدامه المروحة والشباك عشان ينشف بسرعه "طبعا انتى مش بتغسليه بالميه ده بأسفنجة مبللة بس " 6- لو حابة تشيلى فرش الأنتريه وتغسليه شيلى قوام وحطيه فى الغسالة يتغسل عشان يلحق ينشف وتفرشيه تانى يوم قبل الوقفة 7- اعملى كده فى الصالون برضه لو مودرن لكن لو كلاسيك يبقى نفضيه الأول وبعدين امسحيه بملع الأخشاب 8-ادخلى بقى على السفرة ولمعيها ونفضى كراسيها وحطيها فوق السفرة عشان تمسحى تحتها 9- لمعى النيش من بره ونفضيه الأول وبعدين هاتى طبق فى ميه وصابون وطبق تانى فيه ميه نضيفه وقطعة قماش نزلى كل رف الأول وحطى الكاس او الطبق فى ميه الصابون وبعدها فى الميه النضيفه ونشفيها ورصيها تانى على طول ..اعملى كده فى كل رف هاتلاقى نفسك خلصتى من تنضيف النيش بأسرع وقت 10-ويبقى كده مش فاضل غير الأرضيه امسحيها بمطهر ومعطر للأرضية ونشفيها وافرشى السجاجيد 11- وماتنسيش تزينى الريسبشن بالورد وبأشكال تحف مختلفة حتى لو كان شكل واحد يدى اختلاف للشقة فى العيد
إضافة تعليق