جبتلكم انهاردة طريقة البسيمة الجميلة الي كلنا بنحبها جربوها ويارب تعجبكم المقادير: 2 كوب جوز الهند كوب دقيق بيضة ملعقتين كبيرة زبادي نصف كوب زبدة ملعقة كبيرة بيكينج باودر ملعقة صغيره فانيلا 1 كوب شربات جوز الهند للتزيين الطريقة : نحط الزبدة في الطاسة ونحط عليها جوز الهند ويتحمص على نار هادية لحد ما يبقى لونه دهبي، نسيبه يبرد ونحط عليه الدقيق ونقلبه كويس. نحط البكينج باودر والبيض والفانيليا والزبادي ونقلبه كويس، ونزود الماية شوية شوية لحد ماتبقى العجينة طرية شوية. تدهن صينية بالزبدة ونحط العجين فيها، وندخلها الفرن نص ساعة. تخرج الصينية من الفرن ونسقيها بالشربات ونرش عليها جوز الهند.
إضافة تعليق