أحلى مكرونة بالوايت صوص

المقادير

• نص كيلو مكرونة قلم أو أي شكل
• 4 معلقة كبيرة دقيق
• 2 معلقة كبيرة زبدة
• 2 معلقة كبيرة زيت
• 1 كوباية حليب بارد
• 2 كوباية ماية
• جبنة رومي مبشورة
• ملح
• فلفل أسود
• مرقة دجاج

خطوات التحضير

1. تسلقى المكرونة عادى.
2. الصوص بقى هو زى البشاميل شويه بس احنا بقى هندلعه.
3. اولا يستحسن حلة تيفال عشان مبلزقش ولا يتحرق.
4. هاتى سمنة على زيت وسيبيهم لحد ميسخنوا وبعدها حطى الدقيق.
5. قلبي لحد مايصفروا بس تخلى بالك عشان ميتحرقوش تكونى واقفة ادامهم وتقلبى.
6. ها خلاص اصفروا حطى الحليب، وقلبي كويس قوي.
7. حطي الماية شوية بشوية وقلبي تاني لحد ما يتقل.
8. وانتى بتقلبى حطى مرقه دجاج لو مش عايزة يبقى ملح وفلفل اسود بس طبعا المرقه اطعم، ولو عندك كريمة لبانى حطى بتحليه برضو.
9. هو كده الصوص خلص بس اللى جى مهم اووووووى الجبنة المبشورة بتدى طعم حلو اوى.
10. حطي الجبنة على المكرونة بس لازم المكرونة تكون سخنة علشان الجبنة تسيح.
11. ونحط عليهم الصوص ونقلب كويس.
12.  نغرفهم في الطبق، ونرش عليهم شوية جبنة رومي.
13. وبصحة وهنا.